सप्तरी–२ मा सीके राउतको भन्दा दोब्बर मतले रास्वपाका रामजीको अग्रता

राजविराज । प्रतिनिधि सभा अन्तर्गत सप्तरी–२ मा राष्ट्रिय स्वतन्त्र पार्टीका रामजी यादवले सुरुवाती मतगणनामै फराकिलो अग्रता लिएका छन् ।

रामजीले एक हजार ६९८ मत प्राप्त गरेका छन् । उनका निकटतम प्रतिस्पर्धी जनमत पार्टीका अध्यक्ष चन्द्रकान्त (सीके) राउतले जम्मा ८२२ मत प्राप्त गरेका छन् । राउतको मतभन्दा दोब्बर बढी मतले रामजीले अग्रता लिएका हुन् ।

यहाँ जनता समाजवादी पार्टीका उमेश कुमार यादव ७७४ मत प्राप्त गर्दै तेस्रो स्थानमा छन् । नेपाली कांग्रेसका रामकुमार यादव भने ८० मतसहित चौथो स्थानमा छन् ।

जनमत पार्टी छाडेर स्वामिमान पार्टी गठन गरेका मधेसका पूर्वमुख्यमन्त्री सतिश कुमार सिंहले भने जम्मा ७९ मत प्राप्त गरेका छन् ।

यस निर्वाचन क्षेत्रमा नेपाली कम्युनिस्ट पार्टीका सूर्यनाथ प्रसाद यादवले २४, राष्ट्रिय प्रजातन्त्र पार्टीका अजयकुमार दासले २१ र नेकपा एमालेका मोहम्मद जियाउल रहमानले २० मत प्राप्त गरेका छन् ।